Flottorp / Solberg Heimespel

Slåttemusikken me brenn for – den som er frå Agder og Telemark, har eit vidt spekter. Ein raud tråd i dei slåttane me liker, er at dei er røffe og rett på sak. I duoen vår skal slåttane få skine, og som det naturlege mellomleddet mellom slått og lyttar har me laga arrangement som tener slåtten. For slåtten er rett og slett sjefen og den som legg premissane i samspelet vårt.

Me har øvd heime, spelt inn heime, søkt etter slåttar frå heimtraktene. Derfor har plata vår fått namnet “Heimespel”. Men for at musikken skal vere heime for oss, må me også innreie som me vil. Skal me bli husvarme i musikken, må me ommøblere litt, innreie etter vår stil og smak, bygge ny intro her og snekre ein ny del der. Til slutt rommar kanskje denne heimen meir enn ein trudde frå før?